kargo

HÖKUMƏT BU BORCLARI ÖZ ÜZƏRİNƏ GÖTÜRDÜ - Rəsmi açıqlama

HÖKUMƏT BU BORCLARI ÖZ ÜZƏRİNƏ GÖTÜRDÜ - Rəsmi açıqlama

78676
“Azərististiliktəchizat” ASC-nin “Azəriqaz”a olan 34 milyon manatdan artıq borcunu Azərbaycan hökuməti öz üzərinə götürüb. Bunu “Report”a açıqlamasında Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev bildirib.

O xatırladıb ki, noyabrın 14-də “Azəriqaz” və “Azəristiliktəchizat”ın rəhbərliyi arasında danışıqlar olub: “Çünki bir gün sonra, yəni noyabrın 15-də qış rejiminə keçid olacaqdı. Bu baxımdan vətəndaşların evlərinə istiliyin verilməsi zərurəti yaranmışdı. Danışıqların nəticəsi olaraq, “Azəriqaz” bu quruma yaranmış borcun ödənilməsi üçün bir həftəlik möhlət verdi. Burada söhbət 34 milyon manatdan çox vəsaitdən gedirdi. Amma “Azəristiliktəchizat” bu vəsaitin 14 milyon manatını mübahisəli predmet kimi qiymətləndirirdi və 20 milyon manatın üzərində olan məbləğdən danışırdı. Buna baxmayaraq, “Azəriqaz” quruma bir həftə möhlət verdi”.

O qeyd edib ki, məsələdən hökumət xəbərdar idi: “Hökumət məsələnin ciddiliyini nəzərə alaraq, “Azəristiliktəchizat” ASC-yə 12 milyon manat vəsait ayırdı. Təbii ki, bu “Azəristiliktəchizat”ın “Azəriqaz”a olan borcunun müəyyən hissəsidir və tam hissə deyil. Hökumət vətəndaşları nəzərə alaraq borcun digər hissəsini də öz üzərinə götürür. Hazırda “Azəristiliktəchizat”ın “Azəriqaz”a ödəniləcək 12 milyon manatın sənədləşmə prossesi həyata keçirilir. Qurumun “Azəıriqaz”a olan borcunun qalan hissəsi də hökumətin üzərinə düşəcək”.

E. Vəliyev əlavə edib ki, bununla da iki dövlət qurumu arasında olan borc məsələsi bitmiş hesab olunur.
Amia. Az saytın əlaqə nömrəsi 055 776 53 60

XƏBƏR LENTİ